Pune News : पक्ष्यी-प्राण्यांसाठी वाटीभर दाणा-पाणी अनोखा उपक्रम आज पासून सुरू

उंड्री : आला उन्हाळा, आता पक्ष्यी-प्राण्यांसाठी वाटीभर दाणा-पाणी देऊ देऊ या...उपनगर आणि परिसरातील विहिरी-बारवा संपुष्टात आल्या. शेती संपली आणि काँक्रिटचे जंगल उभे राहिले. त्यामुळे प्राणी-पक्ष्यांची पाण्यासाठी भटकंती सुरू झाली आहे.

त्यांना दाणा-पाणी देण्याची प्रत्येकाची जबाबदारी आहे. घराजवळ, खिडकी, गॅलरी आणि टेरेसवर पसरट भांड्यामध्ये पाणी ठेवून चिमणी-पाखरांची तहान भागवू या, असा संकल्प बालरोगतज्ज्ञ डॉ. अनिल पाटील यांनी सुरू केला आहे.

हांडेवाडी रस्ता येथील गंगा व्हिलेज सोसायटीमधील झाडांच्या फांद्या, सोसासयटीची गच्ची, तर काहींनी स्वतःच्या गॅलरीमध्ये चिमणी पाखरांसाठी दाणापाणी देण्याचा संकल्प सुरू केला आहे.

डॉ. पाटील म्हणाले की, डॉ. पाटील म्हणाले की, उन्हाळा सुरू झाला की, सर्वांचीच पाण्यासाठी भटंकती सुरू होते. चिमणी पाखरांची उन्हाळ्यामध्ये तगमग पाहून जीव कासावीस होतो आहे. एक दिवस लावलेला कृत्रिम रंग निघून जाईल मात्र पुढील कित्येक वर्ष प्रेमाचा आणि आपुलकीचा रंग पशुपक्ष्यांना लागत राहील.

या भावनेतून सोसायटीमध्ये असणाऱ्या पक्षांना कडाक्याच्या उन्हाळ्यामध्ये सहजगत्या पाणी उपलब्ध व्हावे, म्हणून सुंदर डिझाईनचे स्टॅन्ड व पाण्याचे भांडे सोसायटी परिसरामध्ये लावण्याचा उपक्रम त्यांनी हाती घेतला.

या उपक्रमामध्ये चेअरमन योगेंद्र गायकवाड सेक्रेटरी दिलावर शेख, खजिनदार मधुकर जगताप, संजय पवार, मोहन मोरे, गणेश वाडकर, विवेक मुळे, रोहिदास सायकर, संतोष कारंजकर, अंकुश जाधव, रतन कुंडू, श्रीकृष्ण ताजने, सुनील गव्हाळे, गणेश पाटील, नितेश गद्रे, प्रकाश खांडेकर, वसीम फरास,मधू मेनन, रंजना रणपिसे, नीता जमदाडे युवराज सावंत, संतोष ताकभाते, संदीप घाडगे आणि सभासदांनी या उपक्रम राबविण्याचा निश्चय केला आहे, असे त्यांनी सांगितले.