Pune Rain Update : पुण्यात मुसळधार पावसाची शतकी खेळी; चिंचवडमध्ये विक्रमी २०६ मिमी पाऊस; पवना धरणात ४० टक्के पाणीसाठा

एक महिना उशिरा आलेल्या पावसाने जून महिन्यातील कमतरता जुलैमध्ये भरून काढण्याचा निर्धार केल्यासारखे दिसते आहे. गेल्या २४ तासांत पुणे आणि पिंपरी-चिंचवड शहरासह धरण क्षेत्रात मुसळधार पावसाने शतकी खेळी केली. चिंचवडमध्ये विक्रमी २०६ मिलिमीटर पावसाची नोंद झाली आहे. या दमदार पावसामुळे पवना धरणात ४० टक्के पाणीसाठा झाला आहे.