पुण्यात १५ एकर सरकारी जमिनीची परस्पर विक्री? पशुसंवर्धन खात्याची विभागीय आयुक्तांकडे तक्रार

पुणे, ता. १२: सरकारी मालकीची जमीन परस्पर विकल्याचा आणखी एक प्रकार पुण्यात उघडकीस आला आहे. राज्य सरकारच्या पशुसंवर्धन खात्याच्या मालकीची ताथवडे येथील १५ एकर जमीन विकली गेली असल्याची तक्रार याच खात्याने पुणे विभागीय आयुक्तांकडे केली आहे. हा प्रकार अकरा महिन्यांपूर्वी घडल्याचे समजते.