पुणे सलग तिसऱ्या वर्षीही अवयवदानात आघाडीवर राहिले

पुणे - नेत्रदानासारखेच इतर अवयवही अगदी सहजतेने दान करण्यात पुणे सलग तिसऱ्या वर्षी आघाडीवर राहिले आहे. अवयवदात्यांची संख्या पुण्यात कायम असून, नेत्रदानाबरोबरच मूत्रपिंड, यकृत आणि हृदयाच्या प्रतीक्षेतील गरजू रुग्णांनाही अवयव मिळत असल्याचे दिसून येत आहे.

ताज्या बातम्यांसाठी डाऊनलोड करा ई-सकाळचे ऍप

अवयवदानात मेंदूचे कार्य थांबलेल्या (ब्रेन डेड) रुग्णाच्या नातेवाइकांची भूमिका सर्वांत महत्त्वाची असते. अवयवदानाच्या वाढत्या जागृतीमुळे नातेवाइकांना याचे महत्त्व लक्षात येत आहे. पुण्यात गेल्या पाच वर्षांपासून अवयवदानाची चळवळ जोमाने वाढत आहे. वेगवेगळ्या संस्था, संघटना अवयवदानाच्या जागृतीसाठी पुढे आल्या आहेत. बी. जे. वैद्यकीय महाविद्यालयासह विविध शैक्षणिक संस्था, रुग्णालये यात पुढाकार घेत आहेत. त्याचा सकारात्मक परिणाम आपल्याला दिसत असल्याचा विश्‍वास अवयवदान क्षेत्रात काम करणाऱ्या डॉक्‍टर, वैद्यकीय समाजसेवक यांनी व्यक्त केला आहे. 

ठाकरे सरकारचा आणखी एक दणका; आता लक्ष्य ऍक्सिस बँक

नातेवाइकांचा निर्णय महत्त्वाचा
मृत व्यक्तीने इच्छा व्यक्त केली आहे किंवा नाही, यापेक्षाही नातेवाइकांची अवयवदानास सहमती जास्त महत्त्वाची असते. गेल्या पाच वर्षांमध्ये नातेवाईक अवयवदानाकडे सकारात्मक दृष्टीने बघू लागले आहेत. आपली जवळची व्यक्ती हे जग सोडत असताना इतर गरजू रुग्णांना जीवनदान देत असल्याची उदात्त भावना नातेवाइकांनी स्वीकारली आहे. त्यातून हा बदल होत असल्याचे निरीक्षण वैद्यकीय समाजसेवकांनी व्यक्त केले.

भाजप मंत्री म्हणतात, राहुल-प्रियांका तर लाईव्ह पेट्रोल बॉम्ब

पुणे ‘झेडटीसीसी’चे कार्यक्षेत्र
पुण्यासह सातारा, सांगली, कोल्हापूर, नाशिक, धुळे आणि सोलापूर जिल्ह्यातील काही रुग्णालयांना अवयवदानाची परवानगी राज्य सरकारने दिली आहे. त्यामुळे रुग्णालयांमधून होणारे अवयवदान योग्य आणि गरजू रुग्णांपर्यंत पोचविण्याची जबाबदारी ‘झेडटीसीसी’वर सोपविण्यात आली आहे. राज्यात पुणे, मुंबई, औरंगाबाद आणि नागपूर या चार ‘झेडटीसीसी’ आहेत.

अवयवदान करण्याचे प्रमाण पुण्यात वाढत आहे. त्यातून गेल्या वेगवेगळ्या अवयवांच्या प्रतीक्षा यादीवरील रुग्णांना अवयव मिळत आहेत. त्यामुळे अवयवदानातील प्रमुख शहरे अशी नवी ओळख पुण्याला देशभरात मिळत आहे.
- आरती गोखले, समन्वयक, ‘झोनल ट्रान्सप्लॅंट को-ऑर्डिनेशन कमिटी’ पुणे