पुण्यात विषारी दारू प्रकरणात आतापर्यंत २२ जणांचा मृत्यू झाला आहे. मिथेनॉल मिश्रित हातभट्टीची दारू हडपसर, गोखलेनगर, दापोडी, फुगेनगर या भागात विक्रीसाठी देण्यात आली होती. आता या प्रकरणामुळे राज्यभर खळबळ उडालीय. पोलिसांसह उत्पादन शुल्कच्या अधिकाऱ्यांवर निलंबनाची कारवाई करण्यात आलीय. दरम्यान, आता उत्पादन शुल्कच्या कार्यालयाच्या पत्र्यावर दारु, बिअर आणि पाण्याच्या बाटल्या आढळून आल्या आहेत.
