पुणे : एमएनजीएल कंपनीतून बोलत असल्याची बतावणी करून ग्राहकाला व्हॉट्सॲपवर लिंक पाठवून तीन लाख ६४ हजार रुपयांचा गंडा घातल्याची घटना मुंढवा भागात घडली..या प्रकरणी एका तरुणाने (वय ३६, रा. केशनगर, मुंढवा) मुंढवा पोलिस ठाण्यात तक्रार दिली आहे. त्यानुसार दोन अज्ञात मोबाईल आणि बँक खातेधारकांवर गुन्हा नोंदवण्यात आला आहे. फिर्यादी तरुणाने गॅसचे बिल जास्त आल्याची तक्रार नोंदवली होती..याचाच फायदा घेत सायबर चोरट्यांनी त्यांना फोन करून तक्रार निवारणासाठी व्हॉट्सॲपवर ‘एमएनजीएल गॅस बिल अपडेट’ नावाची एपीके फाईल पाठवली. केवळ १३ रुपये सेवा शुल्क भरण्याच्या बहाण्याने चोरट्यांनी फिर्यादींच्या मोबाइलचा ॲक्सेस मिळवला. त्यानंतर त्यांच्या बँकेच्या क्रेडिट कार्डमधून तीन लाख ६४ हजार रुपये काढून घेतले. पोलिस निरीक्षक (गुन्हे) सागर गोडे या गुन्ह्याचा पुढील तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
