Daughter of Labourer Secures ACF Position
Sakal
पुणे : आयुष्यात खडतर संघर्ष असेल तर स्वप्न पाहणे अन्‌ ते प्रत्यक्षात आणणे तितकेसे सोपे नसते. पण, चंद्रपूर जिल्ह्यातील वडसी या छोट्याशा गावातील करिष्माने हा समज मोडून काढलाय. भंगार गोळा करण्यासाठी तिच्या वडिलांनी केलेला मैलोन्‌मैल प्रवास...अन्‌ शेतात रात्रंदिवस कष्ट करताना आईने केलेले अपार कष्ट, याने शिक्षणाची पायाभरणी झालेल्या करिष्मा मेश्रामने महाराष्ट्र लोकसेवा आयोगाच्या (एमपीएससी) वनसेवा परीक्षेत ‘सहाय्यक वनसंरक्षक’ पदावर झेप घेतली आहे. या परीक्षेचा नुकताच निकाल लागला आहे. विशेष म्हणजे राज्यातील अनुसूचित जाती (एससी) महिला उमेदवारांमध्ये ती प्रथम क्रमांकाने पात्र ठरली आहे.