Murlidhar Mohol Corona Positive | पुणे महापालिकेच्या मुख्यसभेला आजारपणाने ग्रासले, महापौर पाॅझिटीव्ह | Sakal
sakal

बोलून बातमी शोधा

Pune Municipal Corporation Illness plagued the General Assembly Mayor Murlidhar Mohol Positive

महापालिकेच्या मुख्यसभेला आजारपणाने ग्रासले, महापौर पाॅझिटीव्ह

पुणे : ओमिक्राॅनच्या संसर्गामुळे शहरात रोज हजारो रुग्णांचीभर पडत असताना महापालिकेचे पदाधिकारी, अधिकारी पाॅझिटीव्ह असल्याने त्याचा फटका पुणे महापालिकेच्या मुख्यसभेच्या कामकाजाला बसला आहे. महापौर मुरलीधर मोहोळ यांना आज कोरोना झाल्याचे स्पष्ट झाले.

हेही वाचा: '...म्हणून फॉलोअर्स कमी झाले असावे', राहुल गांधीच्या पत्राला Twitter चं उत्तर

पुणे महापालिकेच्या निवडणुकीचे वेध लागले असून,जानेवारी महिन्यात होणारी ही मुख्यसभा ही विद्यमान नगरसेवकांची अखेरची ठरण्याची शक्यता आहे. त्यामुळे लागल्याने नगरसेवकांना वर्गीकरणासह त्यांचे महत्त्वाचे प्रस्ताव मंजूर करून घ्यायचे असल्याने गडबड सुरू आहे.

राज्यात ओमिक्राॅनचे रुग्ण वाढत असल्याने राज्य सरकारने महापालिकेच्या मुख्यसभेसह सर्वच बैठकांवर निर्बंध आणत हे कामकाज आॅनलाईन घेण्याचे आदेश दिले. त्यानुसार महापालिकेने आॅनलाईन मुख्यसभा घेण्याचे नियोजन केले आहे, तरीही आजारपणामुळे कामकाज होऊ शकलेले नाही.

हेही वाचा: 'माजी उपराष्ट्रपतीच' म्हणतात देशात वाढली 'असहिष्णुता'...

शहरातील कोरोनाच्या स्थितीवर चर्चा करताना सभागृहनेते गणेश बीडकर यांनी " महापौर मुरलीधर मोहोळ यांच्यासह त्यांच्या कार्यालयातील सात ते आठ जण आजारी आहेत. महापालिका आयुक्त विक्रम कुमार हे देखील तब्येत बरी नसल्याने आजच्या मुख्यसभेला उपस्थित राहू शकले नाहीत," अशी माहिती सभागृहात दिली. तर गेल्या आठवड्यात सभागृहनेते बीडकर हे स्वत: आजारी असल्याने मुख्यसभा एक आठवडा तहकूब करावी लागली होती, त्यानंतर आता सलग दुसऱ्या आठवड्यातही हीच परिस्थिती ओढावली आहे.

हेही वाचा: '10 दिवसांत शरण या नाहीतर..' नितेश राणेंचा जामीन पुन्हा फेटाळला

मुरलीधर मोहोळ पाॅझिटीव्ह

महापालिका आयुक्त विक्रम कुमार हे पाॅझिटीव्ह असताना आता महापौर मुरलीधर मोहोळ यांनाही कोरोनाची लागण झाली असल्याचे आज (ता. २७) स्पष्ट झाले. महापौर हे प्रजासत्ताक दिनाच्या कार्यक्रमात सहभागी झाले होते. त्यानंतर दुपारनंतर त्रास होत असल्याने त्यांनी कोरोना चाचणी केली. त्याचा अहवाल आज दुपारी प्राप्त झाला असला ते पाॅझिटीव्ह असल्याचे समोर आले. मोहोळ यांना दुसऱ्यांदा लागण झाली आहे.

Web Title: Pune Municipal Corporation Illness Plagued The General Assembly Mayor Murlidhar Mohol Positive

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top