पुणे : पुणे महापालिकेचे कामकाज सकाळी पावणेदहा वाजता सुरू होते, पण अनेक अधिकारी-कर्मचारी हे उशिरा येतात त्यामुळे त्याचा कामकाजावर परिणाम होत आहे. अशा अधिकाऱ्यांबाबत महापालिका आयुक्त नवलकिशोर राम यांनी कडक भूमिका घेतली. शुक्रवारी (ता. २२) सकाळी पावणेदहानंतर महापालिकेचे सर्व प्रवेशद्वार बंद केले. उशिरा आलेल्या सुमारे ७५० कर्मचाऱ्यांची नावे लिहून घेत त्यांना कारणे दाखवा नोटीस बजाविण्यात आलेली आहे. यामध्ये सहा विभाग प्रमुखांचा समावेश आहे.