पुणे महापालिकेच्या १३९ केंद्रांवर आज लसीकरण

पुणे : शासनाकडून महापालिकेला कोव्हीशील्डचे २४ हजार डोस आणि कोव्हॅक्सीनचे साडे तीन हजार डोस प्राप्त झाले आहेत. गुरुवारी (ता.३) १२४ केंद्रांवर कोव्हीशील्ड, तर १५ ठिकाणी कोव्हॅक्सीनचे लसीकरण केले जाईल. प्रत्येक केंद्रावर १०० डोस वितरित करण्यात आल्याची माहिती महापालिका प्रशासनाने दिली आहे. (Pune Municipal Corporation will vaccinate 139 centers on Thursday)

महापालिकेला जवळपास एका आठवड्यानंतर कोव्हीशील्ड लस उपलब्ध झाली आहेत. त्यामुळे दुसऱ्या डोससाठी पात्र असलेल्या ४५ च्या पुढील नागरिकांना प्राधान्याने लस दिली जाईल. पहिल्या डोससाठी ऑनालइन नोंदणी करणाऱ्यांना कोव्हीशील्ड लस उपलब्ध आहे. सायंकाळी लसीकरण संपताना वायलमधील काही डोस शिल्लक असल्यास ऑनस्पॉट नागरिकांचे लसीकरण करावे, लस वाया घालू नये, असे आदेश महापालिका प्रशासनाने दिले आहेत.

असे आहे नियोजन

कोव्हिशील्ड

- ४५ वयाच्या पुढील आणि ८४ दिवसांपूर्वी (११ मार्च) पहिला डोस घेतला अशांना प्राधान्याने दुसरा डोस दिला जाईल.

- ६० टक्के लस ऑनलाइन बुकिंग करून येणाऱ्या ४५ च्या पुढील नागरिकांच्या पहिल्या डोससाठी.

- ऑनलाइन बुकिंग गुरुवारी सकाळी ८ वाजता सुरू होईल.

- उरलेली लस दिव्यांग, स्तनदा माता, आरोग्य कर्मचारी, फ्रंटलाईन कर्मचारी आणि ४५ च्या पुढील नागरिकांच्या पहिल्या डोस.

कोव्हॅक्सिन

- १००टक्के लस फक्त दुसऱ्या डोससाठी वापरली जाईल.

- १८ वयाच्या पुढील ज्या नागरिकांना पहिला डोस २८ दिवसांपूर्वी (६ मे) झालेत त्यांना दुसरा डोस दिला जाईल.

- ६० टक्के लस ही ऑनलाइन बुकिंग करून आलेल्यांसाठी

- ऑनलाइन बुकिंग गुरूवारी सकाळी ८ वाजता सुरू होईल.

- ४० टक्के लस थेट केंद्रावर येणाऱ्यांसाठी.

पुण्यातील आणखी बातम्या वाचण्यासाठी येथे क्लिक करा.