Pune Municipal Election Counting Centers Announced
Sakal
पुणे : महापालिका निवडणुकीसाठी शहराच्या वेगवेगळ्या भागातील क्रीडा संकुल, शाळा-महाविद्यालये, सांस्कृतिक केंद्र अशा विविध ठिकाणी मतमोजणी केंद्र तयार करण्यात आले आहेत. मतमोजणी केंद्रांची माहिती महापालिकेच्या निवडणूक विभागाने गुरुवारी सायंकाळी जाहीर केली. धनकवडी-सहकारनगर क्षेत्रीय कार्यालय व नगर रस्ता-वडगाव शेरी या क्षेत्रीय कार्यालयाअंतर्गतच्या प्रभागांची मतमोजणी संबंधित क्षेत्रीय कार्यालयांमध्येच होणार असून उर्वरित प्रभागांची मतमोजणी ही शहराच्या वेगवेगळ्या भागात होणार आहे.