आकुर्डीत IPL मॅचवर सट्टा लावणार्‍यांवर कारवाईसाठी गेलेल्या पोलिसांना धक्काबुक्की

आकुर्डीत IPL मॅचवर सट्टा लावणार्‍यांवर कारवाईसाठी गेलेल्या पोलिसांना धक्काबुक्की

पिंपरी : आयपीएल क्रिकेट सामन्यावर ऑनलाइन सट्टा लावणार्‍यांवर कारवाईसाठी गेलेल्या पोलिसांना धक्काबुक्की करण्यात आली. ही घटना आकुर्डी येथे घडली. याप्रकरणी चौघांवर गुन्हा दाखल झाला असून तिघांना अटक केली आहे. श्रीपाद मोहन यादव (वय २२, रा. पंचतारानगर, आकुर्डी), अमित रामपाल अगरवाल (वय ३५, रा. निगडी), नितीश रामदास काळे (वय २१, रा. पंचतारानगर, आकुर्डी) अशी अटक केलेल्या आरोपींची नावे आहेत. तर किशोर रेहाल उर्फ किशोर भाई रा. चेंबूर मुंबई याच्यावर गुन्हा दाखल आहे.

आकुर्डीत IPL मॅचवर सट्टा लावणार्‍यांवर कारवाईसाठी गेलेल्या पोलिसांना धक्काबुक्की
पुण्यात रक्तदानाच्या आवाहनाला चांगला प्रतिसाद; प्लाझ्मा दानातून रुग्णांना जीवदान

याप्रकरणी पोलिस नाईक विजय तेलेवार यांनी निगडी पोलिस ठाण्यात फिर्याद दिली आहे. आकुर्डी परिसरात काही व्यक्ती पंजाब किंग्स विरुद्ध चेन्नई सुपर किंग्स या आयपीएल क्रिकेट सामन्यांवर लोटस ऑनलाइन सट्टा हा जुगार खेळत आणि खेळवत असल्याची माहिती पिंपरी-चिंचवड पोलिसांच्या गुंडा विरोधी पथकाला माहिती मिळाली होती. त्यानुसार पोलिसांनी पंचतारानगर ते गंगानगर परिसरात शुक्रवारी (ता. १६) रात्री पावणे दहाच्या सुमारास सापळा लावून कारवाई केली असता आरोपी ऑनलाइन सट्टा घेत असल्याचे निदर्शनास आले. पोलिसांनी आरोपींना ताब्यात घेत असताना आरोपींनी पोलिसांना धक्काबुक्की करीत गोंधळ घातला. तसेच दहशतीचे वातावरण तयार करून पोलिसांच्या सरकारी कामात आरोपींनी अडथळा निर्माण केला. निगडी पोलिस अधिक तपास करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com