Sakal Impact : आंबेगावातल्या वेश्याव्यवसायाने नागरिक त्रस्त; महिला आयोगाचे कारवाईचे आदेश

पुण्यातल्या नवले पूल परिसरात वेश्या व्यवसाय वाढला आहे. त्याविरोधात आता महिला आयोगाने पोलिसांना कारवाईचे आदेश दिले आहेत.

पुण्यातल्या कात्रज नवले पूल भागामध्ये मोठ्या प्रमाणावर वेश्या व्यवसाय सुरू असल्याचं आढळून आलं होतं. यामुळे स्थानिकांना तसंच मुली, महिलांमध्ये भीतीचं वातावरण निर्माण झालं होतं. याविषयीचं सविस्तर वृत्त 'सकाळ'ने प्रसिद्ध केलं होतं.

या वृत्ताची दखल घेत महिला आयोगाने कारवाईचे आदेश दिले आहेत. राज्य महिला आयोगाच्या अध्यक्षा रुपाली चाकणकर यांनी या प्रकरणी ट्वीट करुन माहिती दिली आहे. आपल्या ट्वीटमध्ये चाकणकर म्हणतात, "पुण्यातील कात्रज नवले पुल भागात वेश्याव्यवसाय सुरु असल्याने स्थानिक नागरिकांच्या सुरक्षिततेचा प्रश्न निर्माण झाल्याचे वृत्त आज दै सकाळने दिले आहे. याची आयोगाने दखल घेतली असून पुणे पोलिस आयुक्तांना याप्रकरणी कारवाई करत अहवाल सादर करण्यास सांगितले आहे."