पुणे : पुण्याला मेडिकल टुरिझमचे तसचे डिफेन्स स्टार्टअपचे हब बनविणे, अतिक्रमणमुक्त करणे, वाड्यांचा पुनर्विकास, मिळकतकरात सरसकट ४० टक्के सवलत, पिंपरी-चिंचवड शहराच्या विकास आराखड्यासह हिंजवडी आणि चाकणच्या वाहतूक कोंडीबाबत आम्ही विधानसभेसह विधान परिषदेत आवाज उठविला आहे. मंत्र्यांनी त्यावर समाधानकारक उत्तरे दिली आहेत. पण हे प्रश्‍न एवढ्यावर न सोडता आगामी काळात प्रशासनाकडून ही कामे करून घेण्यासाठी पाठपुरावा करणार आहोत, असा निर्धार पुणे आणि पिंपरी-चिंचवडमधील आमदारांनी व्यक्त केला.