Pune Police Recruitment : पुणे पोलिसांच्या हातांना बळ; १७०० पदे भरणार; उच्चाधिकार समितीकडून लवकरच शिक्कामोर्तब

पुणे : शहराचा वाढता विस्तार आणि लोकसंख्येमुळे नागरिकांच्या सुरक्षेची गरज लक्षात घेत पुणे शहर पोलिस दलात लवकरच मोठ्या प्रमाणावर भरती होणार आहे. शहरात नवीन पाच पोलिस ठाण्यांच्या निर्मितीस नुकतीच मंजुरी मिळाली आहे. या पार्श्‍वभूमीवर मोठे मनुष्यबळ लागणार आहे. त्यासाठी एक हजार ७२० पोलिसांची पदे भरण्याच्या प्रस्तावावर मुख्यमंत्र्यांच्या अध्यक्षतेखालील उच्चाधिकार समितीकडून लवकरच अंतिम शिक्कामोर्तब होणार आहे. ही भरती मागील काही वर्षांतील सर्वांत मोठी मेगा भरती ठरणार आहे.