पुणे : कामगार विभागाकडे सातत्याने पाठपुरावा करूनदेखील विविध प्रश्न सुटत नाहीत, या कारणास्तव विभागीय आयुक्त कार्यालयावर पाचशेहून अधिक घरेलू कामगार महिलांनी गुरुवारी (ता. १४) मोर्चा काढला. .३१ जुलै २०२४ पर्यंत महाराष्ट्र राज्य घरेलू कामगार कल्याण मंडळात नोंदीत असलेल्या घरेलू कामगार महिलांना गृहोपयोगी वस्तू, (भांड्यांचा) संच देण्याचे पूर्वीच्या महायुती सरकारने जाहीर केले होते; परंतु जेमतेम ३० टक्के अर्जदारांना वाटप केल्यानंतर निवडणूक आचारसंहितेचे कारण पुढे करून हा कार्यक्रम स्थगित करण्यात आला. त्यानंतर सातत्याने पाठपुरावा करूनही नव्याने सत्तेवर आलेल्या महायुती सरकारने या प्रलंबित प्रश्नाकडे दुर्लक्ष केले. त्यामुळे घरेलू कामगार महिलांमध्ये प्रचंड नाराजी पसरली आहे. .कामगार आयुक्त कार्यालयाकडे वारंवार निवेदने देऊनही कोणतीच अंमलबजावणी केली नाही. त्यामुळे या प्रश्नाकडे तत्काळ लक्ष द्यावे; अन्यथा बेमुदत ठिय्या करण्यात येईल, असा इशारा महिलांनी दिला होता. मात्र, केलेल्या आंदोलनाची दखल घेऊन विभागीय आयुक्तांनी त्वरित मुंबईतील कामगार आयुक्त यांच्याशी दूरध्वनीवर संपर्क करून त्यांच्याकडे विचारणा केली असता, लवकरच भांडी संच वाटप सुरू होणार असल्याचे सांगितले. .या वेळी घरेलू कामगारांना किमान वेतन, आठवड्याची पगारी सुट्टी मिळावी, ६० वर्षांपुढील घरेलू कामगारांना मासिक पेन्शन, गरोदर महिलांना मातृत्व लाभ, विमा, पाल्यांसाठी शिष्यवृत्ती आदी स्वरूपाच्या कल्याणकारी योजना राबवाव्यात, अशा मागण्या करण्यात आल्या आहेत..याबाबत कामगार आयुक्त यांच्याबरोबर बैठक आयोजित करण्याचे आश्वासन विभागीय आयुक्त डॉ. चंद्रकांत पुलकुंडवार यांनी दिले. या वेळी सीटूचे अध्यक्ष अजित अभ्यंकर, सचिव वसंत पवार, संघटनेच्या पदाधिकारी किरण मोघे, सरस्वती भांदिर्गे, रेखा कांबळे, सुभद्रा खिलारे, हिराबाई घोंगे, अपर्णा दराडे, सुषमा इंगोले, संगीता केंद्रे, सावित्रीबाई कांबळे, बेबीताई सोनवणे आदी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
