पुण्यात अवकाळी पावसाने रस्त्यावर साचलं पाणी, अनेक ठिकाणी वाहतूक कोंडी; रस्ते जलमय

गेल्या काही दिवसापासून राज्यात उन्हाचा कडाका वाढला असताना अचानक आज काही भागात गारपीटीसह पावसाने हजेरी लावली. पुण्यात अवकाळी पावसाने नागरिकांची धावपळ उडाली. १५ ते २० मिनिटाच्या पावसाने अनेक ठिकाणी रस्त्यांवर पाणी साचलं आहे. यामुळे वाहतूक विस्कळीत झाली असून वाहनांच्या रांगा लागल्या आहेत.