Pune Rain Update : फुरसुंगी मध्ये पावसाचे पाणी सोसायटीमध्ये

फुरसुंगी : पावसाच्या पाण्याने सांडपाणी वाहिनी तुंबून फुरसुंगीतील पर्ल सोसायटीमध्ये पाणी घुसले. थोड्या पावसाने देखील वारंवार वाहिन्या तुंबण्याच्या प्रकाराने राहिवाश्यानकडून पालिकेच्या कामाबाबत नाराजी व्यक्त होत आहे.

येथे शुक्रवारी चार वाजण्याच्या सुमारास सुरू झालेला पाऊस दीड तास जोरदार कोसळला.या भागात पावसाळी वाहिनी नाहीत.अनेक ठिकाणी सांडपाणी वाहिन्यांची झाकणे मोडकळीस आले आहेत.त्यामुळे पावसाचे रस्त्यावरून वाहणारे पाणी सांडपाणी वाहिन्यांमध्ये घुसून वाहिन्या तुंबून गळती होत असते.

पर्ल सोसायटीमध्ये असणाऱ्या सांडपाणी वाहिनीमधून पाण्याचा उफळा सुरू होऊन पाणी वाहिल्याने सोसायटीमध्ये पाणी साठण्याचा प्रकार झाला.त्यातच वीज खंडित झाल्याने राहिवाश्याना सणाच्या दिवशीच दुहेरी समशेचा सामना करावा लागला.महावितरण अधिकाऱयांना फोन केला असता "वीज पुरवठा कधी सुरळीत होईल सांगता येत नाही.काम चालू आहे."असे उत्तर मिळाल्याचे येथील रहिवासी दत्ता कामठे यांनी सांगितले.