Pune Monsoon
esakal
पुणे: यंदाच्या पावसाळ्यात ‘एल निनो’च्या प्रभावामुळे पर्जन्यमान सरासरीपेक्षा कमी राहण्याची भीती हवामानशास्त्र विभागाने व्यक्त केली होती. मात्र, निसर्गाने हे सर्व अंदाज फोल ठरवत पुणे शहरात मुसळधार पर्जन्यवृष्टी केली आहे. पुणे शहरामध्ये जुलै महिन्यात ५२३ मिलिमीटरहून अधिक पावसाची नोंद झाली असून, यामुळे १९०७ मधील सर्वाधिक पावसाचा ११९ वर्षांपूर्वीचा ऐतिहासिक विक्रम मोडीत निघाला आहे. जूनमधील पावसाची मोठी तूट भरून काढत जुलै महिन्याने पुण्याला अक्षरशः झोडपून काढले आहे.
