
पुण्यातील रस्त्यांवर दररोज वाहतूक कोंडी ही एक मोठी समस्या बनली आहे. या कोंडीमुळे अनेकांचे जीव देखील गेले आहेत. मात्र, या समस्येवर मात करण्यासाठी एका सामान्य रिक्षावाल्याने अनोखा उपक्रम हाती घेतला आहे. मगरपट्टा पूल, हडपसर येथील एक व्हायरल व्हिडिओ सध्या सोशल मीडियावर चर्चेचा विषय ठरला आहे, ज्यामध्ये हा रिक्षावाला ट्रॅफिक पोलिसांचे काम करताना दिसतो. त्याच्या या कार्याने पुणेकरांचे मन जिंकले आहे.