पुणे : समाविष्ट गावातील मैलापाणी प्रकल्प चार वर्षात पूर्ण करणार; मुरलीधर मोहोळ

पुणे - 'समाविष्ट गावांना (Villages) मुलभूत सोयीसुविधा पुरवण्यासाठी पुणे महापालिका (Pune Municipal) कटिबद्ध आहे. या अंतर्गत समाविष्ट ११ गावांसाठी मैला वाहिनी आणि मैलापाणी शुद्धीकरण प्रकल्प (Sewage purification project) साकारण्यात येत असून, तो चार वर्षांत पूर्ण होईल. या गावांमध्ये पायाभूत सुविधा सक्षमपणे उभ्या करण्यास आम्ही प्राधान्य देत आहोत, असे महापौर मुरलीधर मोहोळ (murlidhar mohol) सांगितले.

११ गावांमधील ३५० कोटी रुपयांच्या मलवाहिनी आणि मैलापाणी शुद्धीकरण प्रकल्पाचे भूमिपूजन मोहोळ यांच्या हस्ते झाले. उपमहापौर सुनीता वाडेकर, आमदार भीमराव तापकीर, स्थायी समितीचे अध्यक्ष अध्यक्ष हेमंत रासने, विरोधी पक्षनेत्या दीपाली धुमाळ, नगरसेविका अश्विनी पोकळे, गणेश ढोरे, हरिदास चरवड, अतिरिक्त आयुक्त कुणाल खेमणार, अधीक्षक अभियंता जगदीश खानोरे आदी उपस्थित होते.

महापौर मोहोळ पुढे बोलताना म्हणाले, "उत्तमनगर, धायरी, आंबेगाव खुर्द, आंबेगाव बुद्रुक, उंड्री, उरुळी देवाची, फुरसुंगी, मुंढवा (उर्वरित केशवनगर), हडपसर (संपूर्ण साडेसतरानळी), लोहगाव, मांजरी बुद्रुक या गावांचा समावेश आहे. १८२ किलोमीटर लांबीची मलवाहिनी विकसित करण्यात येत आहे. मुंढवा येथे १२ एमएलडी क्षमतेचा आणि मांजरी बुद्रुक येथे ९३.५ एमएलडी क्षमतेचे दोन मैलापाणी शुद्धीकरण केंद्र बांधण्यात येतील. गावांचा विकास करताना तो नियोजनबद्ध आणि भविष्याच्या गरजा लक्षात घेऊनच करत आहोत, असे मोहोळ यांनी सांगितले.