उंड्री : समाजाप्रती बांधिलकी राखत वृद्धाश्रमामध्ये एक दिवस फळ वाटप करण्याची प्रथा रूढ आहे. मात्र, त्या पलिकडे जाऊन भविष्यात दररोज ताजी आणि स्वच्छ फळे मिळावीत, यासाठी फळांच्या रोपांची लागवड केली, असे मत रोटरी क्लब ऑफ अमानोराच्या कृपाल सिद्धू यांनी सांगितले.
वडकी (ता. हवेली) येथील गंगा-तारा वृद्धाश्रमामध्ये रोटरी क्लब अमानोरा व अॅम्युकेअर ट्रस्ट आणि मोहनजी फाउंडेशन यांच्या संयुक्त विद्यमाने १५० वृक्षांची लागवड करण्यात आली. गंगा-तारा वृद्धाश्रमाच्या संस्थापिका अध्यक्षा नीता भोसले आणि सचिव अॅड. लक्ष्मी माने यांच्या उपस्थितीत कार्यक्रम घेण्यात आला. याप्रसंगी कृपालसिंग सिद्धू, अनिस अफसर, कला राघवन, किर्ती खंडेलवाल, अक्षरा राघवन आदी पदाधिकारी उपस्थित होते. अन्नपूर्णा टीमच्या शशी यांनी वृक्ष लागवड आणि संवर्धन कार्यक्रमाचे आयोजन केले होते.
दरम्यान, नीता भोसले म्हणाल्या की, वृद्धाश्रमामध्ये फळवाटपाचा अनोखा उपक्रम घेतला असून, अशा पद्धतीचे उपक्रम समाजाला नक्कीच प्रेरणादायी ठरतील. एक दिवसाचा आनंद नव्हे, आयुष्यभर ऑक्सिजन आणि फळेही मिळणार आहेत. समाजाच्या प्रत्येक घटकापर्यंत अशा पद्धतीचा संदेश नक्कीच समाजोपयोगी ठरेल, असे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
