Pune Crime: चारवेळा 'दृश्यम' बघितला! आधी खून मग लोखंडी भट्टीमध्ये पत्नीचा मृतदेह जाळला; पुण्यात नेमकं काय घडलं?

Pune Murder Case: पुण्याच्या वारजे भागामध्ये एक धक्कादायक घटना घडली आहे. पतीनेच पत्नीचा खून करुन तिचा मृतदेह लोखंडी भट्टीमध्ये जाळून टाकला. त्यानंतर त्या लोखंडी भट्टीचीही विल्हेवाट लावली. पोलिसांच्या तपासामध्ये आरोपीचं बिंग फुटलं असून त्याला अटक करण्यात आलेली आहे..चारित्र्याच्या संशयातून पतीने पत्नीचा खून केल्याची घटना घडली आहे. पत्नीला मारुन टाकल्यानंतर हैवान नवऱ्याने एक लोखंडी भट्टी तयार केली. त्या भट्टीत पत्नीचा मृतदेह जाळून टाकला. नंतर तयार केलेली ही भट्टी नष्ट करून टाकली. पोलिसांना कसलाही संशय येऊ नये, याची त्याने काळजी घेतली होती..Yeola Municipal Elections : येवला पालिका निवडणुकीचा बिगुल! ९ वर्षांत साडेसात हजार मतदारांची वाढ; यंदा थेट नगराध्यक्ष निवडणुकीत चुरस.समीर जाधव असे आरोपीचे नाव असून तो फॅब्रिकेशनचे काम करतो. अंजली समीर जाधव असे खून झालेल्या महिलेचे नाव आहे. ती खासगी शिक्षिका म्हणून एका शाळेत काम करत होती. चारित्र्याच्या संशयातून तिचा खून झाल्याचं पोलिसांनी सांगितलं. पत्नीच्या मृतदेहाची विल्हेवाट लावल्यानंतर समीर स्वतः पोलिस ठाण्यात पत्नी बेपत्ता असल्याची तक्रार देण्यास पोहचला होता..Ratnagiri News: रत्नागिरीत राजकीय ताकदींची चुरस! महायुती आणि महाविकास आघाडीत नगराध्यक्षपदासाठी चढाओढ.पोलिसांनी कसून चौकशी करुन तपास केल्यानंतर समीरचं बिंग फुटलं. पोलिसांनी समीरवर अटकेची कारवाई केली आहे. या प्रकरणात अधिक तपास वारजे पोलिस करीत आहेत. या घटनेमुळे परिसरात संताप व्यक्त होतोय. .पूर्वनियोजित कटआरोपी फॅब्रिकेशनचे काम करतो. तो मूळचा अमरावतीचा रहिवासी असून पुण्यात शिवणे परिसरात रहात होता. 2017 ला या दोघांचे लग्न झाले होते. त्यांना एक मुलगा, एक मुलगी आहे. आरोपीचेच एका महिलेसोबत अनैतिक संबंध होते, तरीही त्याने बायकोवर संशय घेतला. एका मित्राला बायकोच्या मोबाईलवर 'आय लव्ह यू'चा मेसेज करायला लावला. आणि त्यालाही आरोपीनेच रिप्लाय दिला. आरोपी समीर जाधवने खेड शिवापूरजवळ गोगलवाडी येथे एक गोडाऊन भाड्याने घेतले. 26 ऑक्टोबरला चार चाकी गाडी घेऊन बायकोला गोडाऊन दाखवायला घेऊन गेला. त्याच ठिकाणी बायकोचा गळा दाबून खून केला आणि त्या ठिकाणी भट्टीमध्ये पत्नीचा मृतदेह जाळून टाकला. राख जवळ असलेल्या वड्यात नदीत फेकून दिली. त्यानंतर त्याने दुसऱ्या दिवशी बायको मिसिंग झाल्याची तक्रार पोलिसांत दिली. पोलिसांनी सीसीटीव्ही तपास केला असता त्यानेच हे केलं असल्याचं समोर आलं. .दरम्यान, आरोपी समीर जाधवने कट रचण्यापूर्वी तीन ते चार वेळा हिंदी सिनेमा दृश्यम बघितला होता. त्यानंतर त्याने फिल्मी स्टाईलने बायकोला संपवलं. पोलिस तपासामधून ही माहिती पुढे आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.