Illegal Water Extraction From Pavana River in Pune Four Day Deadline Issued to Stop Tanker Water Supply
esakal
-नरेंद्र साठे
पुणे : राज्यात दुष्काळी परिस्थिती आणि पुणे, पिंपरी चिंचवडमध्ये पाणीकपात लागू असतानाही पवना नदीपात्रातून सर्रास पाणीचोरी सुरू असल्याचा प्रकार उघडकीस आला आहे. नदीतून पाणी उपसून विहिरीत साठवायचे आणि टँकरद्वारे त्याची विक्री करायची, असा प्रकार रावेत परिसरात आढळला. जलसंपदा विभागाने कारवाई करून पाणीउपशाची यंत्रणा हटविण्याच्या सूचना दिल्या आहेत. तसेच नदीपात्रातील सर्व बेकायदा उपसे चार दिवसांत बंद करण्याचा इशारा दिला आहे. अन्यथा संबंधित बांधकाम व्यावसायिक आणि टँकरचालकांवर गुन्हे दाखल करण्यात येणार असल्याचे विभागाकडून सांगण्यात आले.
