पुणे : काही दिवसांपासून पुण्याचे कमाल तापमान २९ ते ३० अंश सेल्सिअसदरम्यान नोंदविण्यात येत आहे. पुढील तीन दिवस शहरात याच प्रकारचे हवामान राहणार असून हलक्या पावसाची शक्यता आहे, असे भारतीय हवामानशास्त्र विभागाने सांगितले आहे. .शहरात सोमवारी (ता. ३०) सकाळी ढगाळ वातावरण होते. दुपारी शहराच्या मध्यवर्ती भागासह उपनगरात हलक्या पावसाने हजेरी लावली. परिणामी हवेत अल्हाददायक गारवा निर्माण झाला. त्यामुळे उकाड्याने हैराण झालेल्या पुणेकरांना दिलासा मिळाला. सोमवारी शहरात ३० अंश सेल्सिअस इतके कमाल; तर २२.४ अंश सेल्सिअस किमान तापमान नोंदविण्यात आले..हवामानशास्त्र विभागाने दिलेल्या माहितीनुसार, गायनॅटीक पश्चिम बंगाल व आसपासच्या किनारी भागावर असलेला कमी दाबाचा पट्टा आता गायनॅटीक पश्चिम बंगालवर स्थित आहे. या प्रभावामुळे मंगळवारी (ता. १) कोकण, गोवा आणि विदर्भात बहुतांश ठिकाणी, तसेच मध्य महाराष्ट्र आणि मराठवाड्यात बऱ्याच ठिकाणी पावसाची शक्यता आहे. पुणे, लातूर आणि साताऱ्याच्या घाट विभागात तुरळक ठिकाणी मुसळधार पावसाची शक्यता आहे. त्यामुळे या जिल्ह्यांना ‘यलो अलर्ट’ दिला आहे..कमाल तापमानात वाढपुणे आणि परिसरात मंगळवारी (ता. १) कमाल तापमानात किंचित घट होऊन २९ अंश सेल्सिअस आणि किमान तापमान २२ अंश सेल्सिअस नोंदविण्यात येणार आहे. आकाश अंशतः ढगाळ राहणार असून हलक्या ते मध्यम पावसाची शक्यता आहे. बुधवारी (ता. २) कमाल तापमान स्थिर राहणार असून त्यानंतर किंचित वाढ होण्याची शक्यता हवामानशास्त्र विभागाने वर्तविली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
