अखेर तुळशीबाग पुन्हा गजबजली; महिलांची खरेदीसाठी गर्दी पण...

पुणे : तुळशीबाग म्हटलं की, सुंदर सुंदर दागिणे, छान छान ड्रेस, साड्या, चप्पल अशी बरीचशी दुकाने अन् तरुणी महिलांची खरेदीसाठीची गर्दी, हे ठरलेलच. पण, लॉकडाऊन सुुरु झाला आणि हे चित्र दिसेनासे झाले. लॉकडाऊनच्या सुरुवातीला पुणे शहरातील पेठा बंद केल्या होत्या, त्यामध्ये तुळशीबागेतचा देखील समावेश होता. मात्र राज्य शासनाने हळुहळु लॉक डाऊन खुले करण्याचा निर्णय घेतल्यानंतर पुण्यातील तुळशीबाग देखील खुली करण्यात आली आणि आता तुळशीबाग पूर्ववत होत असल्याचे चित्र दिसत आहे. 

पुण्याच्या बातम्या वाचण्यासाठी येथे क्लिक करा

महिलांचे आवडते खरेदी ठिकाण म्हणून तुळशीबाग ओळखली जाते. घरामध्ये लहान-मोठे सण असू देत किंवा इतर धार्मिक, सांस्कृतिक कार्यक्रम खरेदी करण्यासाठी मात्र महिला तुळशीबागेलाच प्राधान्य देत असतात. नेहमी गर्दीने गजबजलेले तुळशीबाग लॉकडाऊन नंतर खुली करण्यात आली आहे. खुली केल्यानंतर काही प्रमाणात खरेदीसाठी नागरिक येत आहेत. बहुतांशी नागरिक सोशल डिस्टंसिंगचे नियम पाळताना दिसतात. तसेच येथील स्टॉलधारक व व्यापाऱ्यांना सॅनीटायझर, सोशल डिस्टंसिंग, दोन स्टॉल मधील अंतर हे सक्तीचे करण्यात आले आहे

आणखी वाचा - सुप्रिया सुळेंच्या महत्त्वाकांक्षी प्रकल्पाला ग्रामस्थांचा विरोध

"ग्राहकांना सक्तीने मास्क सॅनीटायझर वापरायला सांगतो. तसेच सोशल डिस्टंसिंगचे नियमही पाळत असतो. आमच्याकडे सॅनीटायझरच्या बाटल्या ठेवलेल्या आहेत. त्या ग्राहकांना पहिल्यांदा वापरण्यासाठी देतो, दुपारनंतर अडीच ते साडेचार वाजेपर्यंत गर्दी असते, महापालिकेच्या अधिकाऱ्यांना सहकार्य करतो"
- आनंद निमण, स्टॉलधारक, तुळशीबाग.

कोरोनाचा दणका : पुण्यात अनेकांनी रेस्टॉरंट्स, कॅफे काढली विकायला!

"भावाचं लग्न आहे म्हणून तुळशीबागेत खरेदी करायला आले. मला ज्या वस्तू हव्या होत्या त्या दुकाने बंद असल्याने बहुतांशी येथे मिळाल्या नाहीत. नागरिकांनी दुकानवाल्यांना सहकार्य करायला हवे व सोशल डिस्टन्स पाळायला हवा".
- सजेन किरवे, महिला ग्राहक