'प्ले बॉय' होण्याच्या मोहात पुण्यातील तरुणाने गमावले 17 लाख

पुणे: 'प्ले बॉय' होण्याच्या मोहात पुण्यातील तरुणाने 17 लाख गमावले आहेत. वडिलांच्या सेवानिवृत्तीचा पैसा यामध्ये त्याने लावला आणि तो 'इंडियन एस्कॉर्ट सर्व्हिस'च्या भुलभुलैयात गमावला आहे. फेसबुकवरुन प्ले बॉय कंपनीचं लायसन काढण्यासाठी आणि मेंबर होण्यासाठी 'इंडियन एस्कॉर्ट सर्व्हिस'चे ऑनलाईन मेंबर होण्यासाठी त्याने रजिस्ट्रेशन केलं होतं.

एकूण 17,38,822 रुपये त्याने या साऱ्या प्रकरणात गमावले आहेत. तरुणाला फेसबुकवर प्लेबॉय कंपनीचे लायसन्स काढण्यासाठी आणि रजिस्ट्रेशन काढून देतो असं खोटं सांगण्यात आलं होतं. तासाला ३००० रुपये कमावता येतील हे ऐकताच त्याने फोन पे मार्फत वेगवेगळ्या अकाउंटवर १७ लाख रुपये भरले. मात्र काही पैसे मिळाले नसल्याचं त्याला लक्षात आलं. या साऱ्या प्रकरणामध्ये आपली फसवणूक झाल्याचं कळताच या तरुणानं पोलिस स्टेशन गाठलं. या सर्व प्रकाराची तक्रार दत्तवाडी पोलिस ठाण्यात दाखल असून पोलिस पुढील तपास करत आहेत.