पुणे : वैभवशाली आणि ऐतिहासिक परंपरा लाभलेला गणेशोत्सव, ही पुण्यनगरीची एक महत्त्वाची सांस्कृतिक ओळख आहे. सार्वजनिक गणेशोत्सवाची पायाभरणी पुण्यनगरीत झाली आणि वर्षागणिक वर्धिष्णूच होत गेला. त्यामुळेच आजही केवळ पुण्याच्या आसपासच्याच परिसरातील नव्हे; तर राज्यभरातील, देशभरातील आणि जगभरातीलही लोक हा गणेशोत्सव पाहण्यासाठी येतात. त्यांच्यासाठी सर्वांत महत्त्वाचे आकर्षण म्हणजे सार्वजनिक गणेश मंडळांचे देखावे.