Purandar Airport
Sakal
पुणे : पुरंदर येथील नियोजित आंतरराष्ट्रीय विमानतळासाठी ७० टक्क्यांहून अधिक जागेची संमतिपत्रे जिल्हा प्रशासनाकडे दाखल झाली आहेत. संमतिपत्रे सादर करण्यासाठी अवघ्या दोन दिवसांची मुदत राहिली आहे. त्यामुळे शेतकऱ्यांनी मुदतीत संमतिपत्रे सादर करून दहा टक्के जागेचा परतावा निश्‍चित करून घ्यावा, असे आवाहन जिल्हा प्रशासनाकडून करण्यात आले आहे. संमतिपत्रे देण्याची मुदत संपल्यानंतर आठ दिवसांनी भूसंपादन करण्यात येणाऱ्या जागेची मोजणी हाती घेण्यात येणार असल्याचेही प्रशासनाकडून सांगण्यात आले.