पुणे : रेल्वे फाटक बंद असल्याने वाहनांच्या रांगा

पुणे : ससाणेनगर-सय्यदनगर रेल्वे फाटक १४ व १५ डिसेंबरला रेल्वेच्या कामानिमित्त बंद ठेवण्यात आले आहे. त्यामुळे या मार्गावर मोठया प्रमाणात वाहतूक कोंडी झाली असून सुमारे एक किलोमिटर वाहनांच्या लांब रांगा लागल्या होत्या. 

ताज्या बातम्यांसाठी डाऊनलोड करा ई-सकाळचे ऍप

फाटक बंद असल्याने काळेपडळ व रामटेकडी या दोन ठिकाणी असणा-या रेल्वे फाटकावर वाहतूकीचा ताण वाढला होता. प्रचंड वाहतूक कोंडी झाल्याने महंमदवाडी, हांडेवाडी, ससाणेनगर येथे येजा करणाऱ्या वाहनांमुळे वाहतूक कोंडीत भर पडली. त्यामुळे वाहनचालकांना नाहक त्रास झाला. हडपसर व वानवडी वाहतूक विभागाचे आठ कर्मचारी वाहतूक नियंणाचे काम करत होते. त्यांना स्थानिक नागरिकांनी देखील सहकार्य केले.

लोकशाहीची हत्या करून अर्थव्यवस्था 'आयसीयू'त : राहुल गांधी

न्यू इंग्लिश मेडीयम स्कूल येथे नव्याने करण्यात आलेल्या रेल्वे भुयारी मार्गातील खड्डे बूजवून वाहतूक कोंडी सुरळीत करण्याचा प्रयत्न करण्यात आला. काळेपडळ व रामटेकडी येथे झालेले वाहतूक कोंडी कमी करण्यासाठी नगरसेवक योगेश ससाणे, मारूती तुपे, संजय शिंदे, जिवन जाधव, योगेश ढोरे, गणेश वाडकर यांसह अनेक नागरिकांनी वाहतूक पोलिसाची भूमीका घेवून वाहतूक कोंडी सोडविण्यासाठी प्रयत्न करण्यात आला.