पुणे : रेल्वेत नोकरीचे आमिष दाखवत येरवडा परिसरातील एका व्यक्तीकडून १४ लाख रुपये उकळल्याचा प्रकार समोर आला आहे. या प्रकरणी जळगाव येथील दोघांविरुद्ध लक्ष्मीनगर पोलिस ठाण्यात गुन्हा दाखल करण्यात आला आहे. .याबाबत येरवडा येथील रामनगर भागातील एका ३७ वर्षीय व्यक्तीने लक्ष्मीनगर पोलिस ठाण्यात फिर्याद दिली आहे. सागर दिगंबर पाटील (वय ३५) आणि स्वप्नील मुरलीधर गायकवाड (वय ३३, दोघे रा. तळई, ता. एरंडोल, जि. जळगाव) अशी गुन्हा दाखल करण्यात आलेल्या संशयित आरोपींची नावे आहेत..Railway Job Fraud : ‘तुला रेल्वेत नौकरी मिळवून देतो’ म्हणत पुण्यात महिलेची सात लाखांची फसवणूक!.पोलिसांनी दिलेल्या माहितीनुसार, तक्रारदार व्यक्तीची आरोपींशी अडीच वर्षांपूर्वी ओळख झाली होती. या ओळखीचा फायदा घेत आरोपींनी तक्रारदार व्यक्तीची पत्नी आणि तिच्या भावाला रेल्वेत नोकरी लावण्याचे आमिष दाखविले. त्यासाठी आरोपींनी वेळोवेळी तक्रारदाराकडून १९ लाख १५ हजार रुपये घेतले. मात्र, नोकरी न मिळाल्याने तक्रारदाराने चौकशी केली असता आरोपींनी टाळाटाळ सुरू केली. .संशय वाढल्यानंतर आरोपींनी तक्रारदाराला केवळ पाच लाख १५ हजार रुपये परत करीत उर्वरित रक्कम लवकरच देण्याचे आश्वासन दिले. तरीही उर्वरित पैसे न दिल्याने तक्रारदाराने २० जानेवारी रोजी लक्ष्मीनगर पोलिस ठाण्यात तक्रार दाखल केली. पुढील तपास लक्ष्मीनगर पोलिस करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
