पुणे - शिवसेना उद्धव बाळासाहेब ठाकरे पक्षाचे प्रमुख उद्धव ठाकरे व महाराष्ट्र नवनिर्माण सेनेचे अध्यक्ष राज ठाकरे यांच्या मनोमीलनाची राज्यात जोरदार चर्चा सुरू आहे. त्यातच शनिवारी "राज ठाकरे यांच्या सभेला गर्दी होते, पण मत भेटत नाही..याउलट उद्धव ठाकरे यांना मतामध्ये परिवर्तन करता येते.' या राष्ट्रवादी कॉंग्रेस शरदचंद्र पवार पक्षाचे अध्यक्ष शरद पवार यांच्या अनौपचारिक गप्पांमधील वाक्याने ठाकरे बंधूंच्या मनोमीलनात मिठाचा खडा टाकल्याची चर्चा राजकीय वर्तुळात रंगू लागली आहे..पवार यांनी शनिवारी पुण्यात मोदीबागेतील त्यांच्या निवासस्थानी पत्रकारांशी अनौपचारिक पद्धतीने संवाद साधला. यावेळी पत्रकारांनी विचारलेल्या विविध प्रश्नांना त्यांनी उत्तरे दिली. अनौपचारिक गप्पांमध्ये 'राज ठाकरे - उद्धव ठाकरे एकत्र आले तर मुंबई महानगरपालिकेत काय परिस्थिती असेल?' असा प्रश्न पवार यांना विचारण्यात आला..त्यावेळी ते म्हणाले, 'आत्तापर्यंतचा अनुभव असा आहे की, राज ठाकरे यांच्या सभा उत्तम होतात. परंतु, त्याचे मतांमध्ये रूपांतर होत नाही. उद्धव ठाकरे यांच्या सभांचे मतांमध्ये परिवर्तन होते.'महापालिका निवडणुकीबाबत विचारलेल्या प्रश्नावर पवार म्हणाले, 'महाविकास आघाडीने महापालिका निवडणूक एकत्र लढावी. बाकी आता बघावे लागेल. महापालिका निवडणुकीची सगळी जबाबदारी प्रशांत जगताप यांच्याकडे दिली आहे..आम्ही काही उमेदवारांची यादीही तयार केली आहे. भाजप निवडणुकीमध्ये कधीही टोकाची भूमिका घेत नाही. मात्र स्थानिक स्वराज्य संस्था निवडणुकीत महायुतीमध्ये जागा वाटप व्यवस्थित होईल असे वाटत नाही. राहुल गांधी यांनी लिहिलेला लेख नक्की वाचू.'.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
