पुणे : रक्षाबंधनाचा सण अवघ्या काही दिवसांवर येऊन ठेपला असून, तो साजरा करण्यासाठी पुण्यातील बाजारपेठा विविध रंगीबेरंगी राख्यांनी सजल्या आहेत. शनिवार पेठ, लक्ष्मी रस्ता, तुळशीबाग आणि उपनगरांतील दुकाने सध्या ग्राहकांनी फुलून गेली आहेत. पारंपरिक राख्यांपासून ते आधुनिक आणि पर्यावरणपूरक डिझाइनपर्यंत राख्या बाजारात उपलब्ध आहेत. महागाई वाढली असली तरी ग्राहकांचा उत्साह कायम असल्याचे दिसून येते.