खबरदार! बायकोशी भांडाल, तर क्वारंटाइन व्हाल!

पुणे : लॉकडाऊनमुळे सध्या पुणे जिल्ह्यातील विविध गावांमधील अनेक घरांमध्ये नवरा-बायकोच्या कुरबुरींमध्ये मोठी वाढ झाली आहे. या कुरबुरी थांबविण्यासाठी जिल्हा परिषदेच्यावतीने ग्रामस्तरावर महिला दक्षता समित्या स्थापन केलेल्या जाणार आहेत. या समित्या समुपदेशनाद्वारे भांडखोर नवरोबांना समज देणार आहेत. मात्र समज देऊनही भांडखोरपणा कायम ठेवणाऱ्या नवरोबांना पोलिसांच्या मदतीने थेट संस्थात्मक क्वरांटाईन केले जाणार आहे.

- बातम्या ऐकण्यासाठी डाऊनलोड करा ई-सकाळचे ऍप

पुणे जिल्हा परिषदेचे मुख्य कार्यकारी अधिकारी आयुष प्रसाद यांनी गुरुवारी (ता. १६) रात्री लेखी आदेश काढला आहे. लॉकडाऊनच्या काळात पुणे जिल्ह्यातील गावांमध्ये नवरा-बायकोंच्या भांडणात मोठी वाढ झाल्यामुळे हा आदेश काढण्यात आल्याचे आयुष प्रसाद त्यांच्या आदेशात नमूद केले आहे.         राज्यात सध्या साथरोग प्रतिबंधक कायदा लागू करण्यात आलेला आहे.

- आणखी वाचा - राज्यात पावणे तीन लाख कोटींची उलाढाल ठप्प!

या कायद्यातील तरतुदीनुसार संचारबंदीच्या काळातील नागरिकांच्या तक्रारींचे निवारण करणे, त्यांच्या समस्या सोडविण्याची जबाबदारी जिल्हा परिषद प्रशासनाची आहे. त्यामुळे नागरिकांच्या तक्रारींचे निवारण करण्यासाठी जिल्हा परिषदेत विशेष नियंत्रण कक्ष स्थापन करण्यात आला आहे.

- लॉकडाऊन शिथिल होणार; राज्य सरकारच्या आदेशाकडे आता लक्ष!

गाव पातळीवरील महिला दक्षता समित्यांमध्ये ज्येष्ठ ग्रामपंचायत सदस्या, अंगणवाडीसेविका, बचत गटाच्या महिला आदींचा समावेश आहे. या समित्यामार्फत पहिल्यांदा भांडखोर नवरोबाचे समुपदेशन करुन समज दिली जाणार आहे. तरीही तो पुन्हा बायकोसोबत भांडत असेल तर, त्याला पोलिसांच्या मदतीने ताब्यात घेऊन संस्थात्मक क्वरांटाइन केले जाणार आहे.

- आणखी वाचा - जपानमध्ये होऊ शकतो पाच लाख लोकांचा मृत्यू!