माजी सैनिकांच्या मुला-मुलींच्या वसतिगृहासाठी कर्मचारी भरती | Sakal
sakal

बोलून बातमी शोधा

Recruitment
माजी सैनिकांच्या मुला-मुलींच्या वसतिगृहासाठी कर्मचारी भरती

माजी सैनिकांच्या मुला-मुलींच्या वसतिगृहासाठी कर्मचारी भरती

पुणे - पुणे शहर व जिल्ह्यातील सैनिकी मुला-मुलींच्या वसतिगृहासाठी कंत्राटी पद्धतीने तात्पुरत्या स्वरूपात मानधन तत्त्वावर कर्मचाऱ्यांची भरती केली जाणार आहे. या भरतीमध्ये माजी सैनिक, माजी सैनिकांच्या विधवा पत्नींना प्राधान्य दिले जाणार आहे. यासाठी अन्य इच्छुकांनाही अर्ज करता येणार आहे. यासाठी इच्छुक असलेल्या उमेदवारांना यासाठी येत्या १५ जून अखेरपर्यंत अर्ज दाखल करता येणार आहे.

यासाठी इच्छुक असलेल्यांना पुण्याच्या जिल्हाधिकारी कार्यालयाच्या आवारात असलेल्या जिल्हा सैनिक कल्याण कार्यालयात उमेदवारी अर्ज दाखल करावे लागणार आहेत. या भरती मोहिमेत पर्वती येथील सैनिकी मुलांच्या वसतीगृहामध्ये सहाय्यक वसतिगृह अधीक्षक ३ (पुरुष), स्वयंपाकी ९ (महिला), सफाई कर्मचारी ३ (पुरुष), माळी १ (पुरुष) आणि नवी पेठ येथील सैनिकी मुलींच्या वसतीगृहामध्ये सहाय्यक वसतिगृह अधीक्षिका ३ (महिला), स्वयंपाकी ७ (महिला), सफाई कर्मचारी २ (पुरुष) आणि माळी १ (महिला) अशी रिक्त पदे भरली जाणार असल्याचे पुणे जिल्हा सैनिक कल्याण अधिकारी मेजर सुभाष सासने (निवृत्त) यांनी सांगितले.

या भरतीबाबतच्या अधिक माहितीसाठी जिल्हा सैनिक कल्याण अधिकारी कार्यालयाच्या (०२०) -२६१२२२८७ या दूरध्वनी क्रमांकावर किंवा वसतिगृह अधीक्षक शेख अब्दुल यांच्या ७०२०४१०९५४ या आणि वसतिगृह अधीक्षिका अनिता पाटेकर यांच्या ९४०४५८१९४७ या मोबाईल क्रमांकावर संपर्क साधण्याचे आवाहन सुभाष सासने (निवृत्त) यांनी केले आहे.

Web Title: Recruitment Of Staff For Hostel For Ex Servicemen Childrens

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top