दौंड - पुणे जिल्ह्यातील गोपाळवाडी ( ता.दौंड) येथे नागरी भागातील उकिरड्यावर प्लॅस्टिक बरण्यांमध्ये आढळलेले मृत अर्भक व मानवी अवयव प्रकरणी दौंड शहरातील भंगाळे हॅास्पिटलची नोंदणी रद्द करण्यात आली आहे. जिल्हा शल्यचिकित्सकांनी ही कारवाई केली आहे. .दौंड - कुरकुंभ राष्ट्रीय महामार्गालगत २५ मार्च रोजी जिजामाता नगर येथे प्लास्टिक बरण्यांमध्ये एक १८ ते २० आठवडे वय असलेले पुरूष जातीचे मृत अर्भक आढळले होते. तर अन्य बरण्यांमध्ये शस्त्रक्रिया दरम्यान काढलेले गर्भाशय, स्तन, वृषण, आदी मानवी अवयव संबंधितांच्या नावासह आढळले होते. शहरातील दौंड - सिध्दटेक अष्टविनायक मार्गावरील भंगाळे क्लिनिक अॅण्ड नर्सिंग होम या रूग्णालयाचे हे अर्भक व मानवी अवयव असल्याची माहिती दौंड पोलिसांच्या तपासात पुढे आली होती..उकिरड्यावर अर्भक व मानवी अवयव सापडल्यानंतर जिल्हा शल्यचिकित्सक डॅा. एन. एस. यमपल्ले यांनी या रूग्णालयास भेट दिली असता त्यांना गंभीर त्रुटी आढळून आल्या होत्या. त्याबाबत रूग्णालयास नोटीस बजावून खुलासा मागविण्यात आला होता. परंतु खुलासा असमाधानकारक असल्याचे आदेशात नमूद करण्यात आले आहे..रूग्णालय प्रशासन व व्यवस्थापनाकडून शरीरशास्त्र कायदा १९४९, वैद्यकीय गर्भपात कायदा १९७१ व बॅाम्बे नर्सिंग होम अॅक्ट १९४९ चा भंग झाल्याचे आढळून आले होते. त्यानुसार रूग्णालयाची बॅाम्बे नर्सिंग होम: अॅक्ट आणि वैद्यकीय गर्भपात कायद्याने झालेली रूग्णालयाची नोंदणी २१ मे रोजी रद्द करण्यात आली आहे, असे डॅा. एन. एस. यमपल्ले यांनी त्यांच्या आदेशात नमूद केले आहे..नोंदणी रद्द करण्याच्या आदेशाविरूध्द सार्वजनिक आरोग्य व कुटुंब कल्याण विभागाचे सचिव यांच्याकडे अपिल करण्याकरिता रूग्णालयास एक महिन्याची मुदत देण्यात आली आहे.दरम्यान या प्रकरणात मृत अर्भक व अर्भकाच्या आई व वडिलांची डीऑक्सिरिबो न्यूक्लिक ॲसिड (डीएनए) ही अनुवांशिक चाचणी करण्याकरिता एप्रिल महिन्यात नमुने घेण्यात आले होते. चाचणीचा अहवाल प्रलंबित आहे..आंतररूग्ण विभाग बंददौंड उप जिल्हा रूग्णलयाचे वैद्यकीय अधीक्षक डॅा. सचिन गुजर यांना या बाबत विचारले असता त्यांनी आदेशानुसार भंगाळे हॅास्पिटलमधील आंतररूग्ण विभाग बंद असून बाह्यरूग्ण विभाग सुरू असल्याचे सांगितले. नोंदणी रद्द करण्यासंबंधीच्या आदेशाचा भंग झाल्यास संबंधितांविरूध्द फौजदारी गुन्हे दाखल करण्याची तरतूद असल्याची माहिती डॅा. सचिन गुजर यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
