हवेली उपविभागीय पोलिस अधिकारी कार्यालय गोऱ्हे बुद्रुक येथे स्थलांतरित | Sakal
sakal

बोलून बातमी शोधा

Relocated to Haveli Sub Divisional Police Officer Office Gorhe Budruk

हवेली उपविभागीय पोलिस अधिकारी कार्यालय गोऱ्हे बुद्रुक येथे स्थलांतरित

किरकटवाडी: अखेर हवेली उपविभागीय पोलीस (Haveli Police) अधिकारी कार्यालयाचे गोऱ्हे बुद्रुक (ता.हवेली) येथील नवीन कार्यालयाचे काम पूर्ण झाले असून येत्या काही दिवसांत पोलीस अधीक्षकांच्या उपस्थितीत कार्यालयाचे उद्घाटन होणार आहे. प्राथमिक कामकाजाला सदर ठिकाणाहून सुरुवात करण्यात आली आहे. गडचिरोली येथून बदलून आलेल्या आणि 'डॅशिंग' अधिकारी म्हणून ओळख असलेल्या पोलीस उपाधिक्षक भाऊसाहेब ढोले यांनी हद्दीतील अवैध व्यावसायिक व गुन्हेगारांना इशारा देत धडक कारवाईला सुरुवात केली आहे.

हेही वाचा: अखेर समीर वानखेडेंची बदली; आता 'या' विभागात करणार काम

हवेली उपविभागीय पोलीस अधिकारी कार्यालय अगोदर लोणी काळभोर जवळील कदमवाकवस्ती येथे होते. लोणी काळभोर आणि लोणीकंद या दोन पोलीस ठाण्यांचा पुणे शहर पोलीस आयुक्तालयात समावेश करण्यात आल्यानंतर येथील कार्यालयातून हवेली उपविभागाचा कारभार पाहणे गैरसोयीचे झाले होते. त्यामुळे पोलीस अधीक्षक डॉ अभिनव देशमुख यांनी उपविभागीय कार्यालय स्थलांतरित करण्याचा निर्णय घेतला. अनेक ठिकाणी जागांची चाचपणी करण्यात आल्यानंतर गोऱ्हे बुद्रुक येथे कार्यालयासाठी भाडेतत्त्वावर जागा मिळाली. याठिकाणी कार्यालयाचे काम पूर्ण झाले असून पोलीस अधीक्षकांच्या उपस्थितीत उद्घाटन होणार आहे.

दरम्यान पौड, हवेली व वेल्हे पोलीस ठाण्याच्या हद्दीतील अवैध व्यावसायिक व गुन्हेगारांना उपविभागीय पोलीस अधिकारी भाऊसाहेब ढोले यांनी इशारा देत धडक कारवाईला सुरुवात केली आहे. कोणतीही भीती न बाळगता नागरिकांनी संपर्क साधून आपल्या समस्या, तक्रारी मांडाव्यात किंवा घडणाऱ्या गैरप्रकारांची माहिती द्यावी म्हणून आपला संपर्क क्रमांक सार्वजनिक करत नागरिकांना आवाहन केले आहे.

हेही वाचा: राज्यात लॉकडाऊनचे संकेत, अजित पवारांचं साताऱ्यात मोठं विधान

"माहिती मिळेल त्याप्रमाणे अवैध धंदे व गुन्हेगारांवर कारवाई करण्यास सुरुवात केली आहे. नागरिकांनी निर्भिडपणे संपर्क साधून माहिती द्यावी.8796801181 या व्हॉट्स ॲप क्रमांकावर संदेश पाठवावा. माहिती देणारांची ओळख गोपनीय ठेवण्यात येईल. गुन्हेगारी व अवैध धंद्यांना चाप लावण्यासाठी कायद्याची कठोर अंमलबजावणी करण्यात येणार आहे."

- भाऊसाहेब ढोले, हवेली उपविभागीय पोलीस अधिकारी.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top