Sharad Pawar : पुण्याचे प्रश्‍न सोडविण्यासाठी आवश्‍यक ते सर्व करू

पुणे - 'महापालिका निवडणुकीत मित्र पक्षांसमवेत जायचे किंवा नाही, किती जागा मिळतील, त्या जागा कोणत्या असतील, या सगळ्यांचा निर्णय पक्षाचे अध्यक्ष व नेते घेतील. महापालिका निवडणुकीत तरुण कार्यकर्त्यांनी संधी देऊ. पुण्याच्या प्रश्नांची सोडवणूक करण्याची नैतिक जबाबदारी आपली आहे..त्यामुळे पुण्याचे प्रश्न सोडविण्यासाठी जे जे करावे लागेल, ते सर्व आपण करू.' अशा शब्दात राष्ट्रवादी कॉंग्रेस शरदचंद्र पवार पक्षाचे अध्यक्ष शरद पवार यांनी मंगळवारी पक्षाच्या कार्यकर्त्यांना निवडणुकीसाठी सज्ज राहण्याचे आवाहन करत महापालिका निवडणुकीसाठी रणशिंग फुंकले..राष्ट्रवादी कॉंग्रेस शरदचंद्र पवार पक्षाच्या शहर कार्यकारिणीची ५० वी मासिक आढावा बैठक व कार्यकर्ता मेळावा वानवडी येथे आयोजित केला होता. यावेळी पक्षाचे शहराध्यक्ष प्रशांत जगताप, आमदार बापू पठारे, माजी आमदार जगन्नाथ शेवाळे, ऍड.जयदेव गायकवाड, अशोक पवार, प्रकाश म्हस्के, अंकुश काकडे, कमल ढोले पाटील, रवींद्र माळवदकर, स्वाती पोकळे, किशोर कांबळे आदी उपस्थित होते..पवार म्हणाले, "पुण्यात छोट्या घरांच्या ठिकाणी आता ३० ते ४० मजली इमारती झाल्या आहेत. तिथे ३०० ते ४०० लोक राहत आहेत. त्यामुळे पाणी, रस्ते, वीज, आरोग्याच्या सुविधा, कायदा व सुव्यवस्था? या स्वरूपाचे असंख्य नागरी प्रश्न पुण्यात निर्माण झाले आहेत. त्यासाठी भविष्याचा मार्ग काढणारी महापालिका झाली पाहीजे.शहरातील प्रश्नांची आस्था असणारे उमेदवार निवडून आले पाहीजेत. शहराचे प्रश्न सोडविणे ही आपली नैतिक जबाबदारी आहे, त्यामध्ये यश मिळविण्यासाठी महापालिकेत नवीन व तरुण उमेदवारांना संधी देऊ.'.आघाडीबाबत पवार म्हणाले, 'पक्षाच्या कार्यकर्त्यांनी आता जागरूक राहिले पाहीजे. काही पक्ष देश व राज्य पातळीवर आपल्याला सहकार्य करतात. तर, काही पक्ष स्वतंत्रपणे निवडणूक लढण्याचा विचार करत आहेत. त्यांच्यासमवेत जायचे किंवा नाही, निवडणुकीचा कार्यक्रम काय आहे?किती जागा मिळतील, त्या जागा कोणत्या असतील, या सगळ्यांचा निर्णय प्रदेशाध्यक्ष व त्यांचे सहकारी तुमच्या विचाराने घेतील.' कॉंग्रेस पक्षाचा मूळ जन्म पुण्यातच झाला, प्लेगच्या साथीमुळे त्याची घोषणा मुंबईत झाल्याचे आवर्जून नमूद केले. तसेच, ही कार्यकारिणीची बैठक नव्हे, तर वार्षिक सर्वसाधारण सभा वाटत असल्याचे सांगत पवार यांनी आयोजकांचे कौतुक केले..जगताप म्हणाले, "पक्षाने आघाडीबाबतचा निर्णय लवकर घ्यावा. शहरात सत्ताबदल गरजेची आहे. आज नवीन पुण्याचे नवीन शिल्पकार म्हणून देवेंद्र फडणवीस, भाग्यविधाते म्हणून अजित पवार यांचे नाव घेतले जाते. असे असताना पुण्याचा वाहतूक कोंडीत जगात पाचवा क्रमांक लागतो.'.पवार यांनी घेतली सुरेश कलमाडींची भेटकॉंग्रेसचे ज्येष्ठ नेते सुरेश कलमाडी यांची शरद पवार यांनी खासगी रुग्णालयात भेट घेतली. पवार यांनी कलमाडी यांच्या तब्येतीची आस्थेवाईकपणे चौकशी केली. कलमाडी यांच्या पत्नी मीरा कलमाडी व कुटुंबीयांशी त्यांनी संवाद साधला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.