बारामती - कोरोनानंतर बारामती लोकसभा मतदार संघातील दौंडसह काही रेल्वेस्थानकावर थांबणाऱ्या ठराविक रेल्वेगाड्यांचे थांबे बंद करण्यात आहेत. बंद केलेले थांबे पूर्ववत सुरू करावेत, अशी मागणी खासदार सुप्रिया सुळे यांनी केंद्राकडे केली आहे..नुकत्याच झालेल्या अधिवेशनात संसदेत झालेल्या प्रश्नोत्तराच्या तासादरम्यान त्यांनी याबाबत प्रश्न उपस्थित केल्यावर सकारात्मक प्रतिसाद देत रेल्वेमंत्री अश्विनी वैष्णव यांनी लवकरच सर्व थांबे पूर्ववत सुरु करण्यात येतील, अशी ग्वाही दिली होती, त्यालाही आता एक महिना होत आला तरी अद्याप थांबे सुरू झाले नाहीत..सुप्रिया सुळे यांनी ट्वीट करत पुन्हा एकदा याची आठवण करुन देत हे थांबे पूर्ववत करण्याची मागणी केली. बारामती लोकसभा मतदारसंघातील दौंड, नीरा, जेजुरी स्थानकांवरील काही रेल्वेगाड्यांचे थांबे कमी करण्यात आल्याचे त्यांनी लक्षात आणून दिले आहे..रेल्वेची कार्यक्षमता वाढवण्यासाठी काही थांबे कमी केल्याचे रेल्वे मंत्रालयाने सांगितले होते. दौंड, बारामती, नीरा तसेच जेजुरी या भागातील अर्थकारण रेल्वेवर अवलंबून आहे. हे लक्षात घेत रेल्वे मंत्रालयाने कार्यक्षमता वाढवण्यासाठी थांबे कमी करण्यापेक्षा इतर उपाययोजना कराव्यात अशी मागणी सुळे यांनी केली होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
