पुण्यात एका लॉजमध्ये रिक्षाचालकाची आत्महत्या; कारण अद्याप अस्पष्ट

पुणे - वडगाव बुद्रुक येथील एका लॉजमध्ये रिक्षाचालकाने मंगळवारी (ता.14) गळफास घेऊन आत्महत्या केली. आत्महत्येमागचे कारण समजू शकले नाही. मात्र, त्यांनी नैराश्य तसेच कौटुंबिक वादातून आत्महत्या केल्याचा संशय पोलिसांनी व्यक्त केला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

नंदू अंधारे (वय 39, सध्या रा. धनकवडी, मूळ रा. शेवगाव, जि. अहमदनगर) असे आत्महत्या केलेल्या रिक्षाचालकाचे नाव आहे. याप्रकरणी सिंहगड पोलिस ठाण्यात अकस्मात मृत्यूची नोंद करण्यात आली आहे. पोलिसांनी दिलेल्या माहितीनुसार, अंधारे यांचा दोन वर्षांपूर्वी घटस्फोट झाला होता. पुण्यात ते रिक्षा चालवत होते. धनकवडीत भाडेतत्त्वावर घर घेऊन ते एकटेच राहत होते. घटस्फोट झाल्यानंतर त्यांची मुलेही पत्नीकडे राहत होती.

सीबीएसईच्या दहावीच्या परीक्षेत पुणे विभागाचा निकाल ९८.०५ टक्के 

घटनेच्या दिवशी अंधारे यांनी मुंबई-बंगळुरु बाह्यवळण मार्गालगत असलेल्या एका लॉजमध्ये खोली भाड्याने घेतली होती. तेथे पंख्याला दोरी बांधून गळफास घेऊन आत्महत्या केली. आत्महत्या केल्याचा प्रकार उघडकीस आल्यानंतर पोलिसांनी घटनास्थळी भेट दिली. पोलिस हवालदार गिरीश धुमाळ पुढील तपास करत आहेत.

Edited By - Prashant Patil