पुणे : दरोडा टाकायच्या आधीच टोळी ताब्यात

पुणे : नऱ्हे परिसरातील एका सराफी दुकानावर दरोडा टाकण्याच्या तयारीत असलेल्या सात जणांच्या टोळीला सिंहगड पोलिसांनी बेड्या ठोकल्या. शनिवारी पहाटे सव्वा तीन वाजता नऱ्हे परिसरात सिंहगड रस्ता पोलिसांनी ही कारवाई केली.

ताज्या बातम्यांसाठी डाऊनलोड करा ई-सकाळचे ऍप

सागर बसवराज नडगिरे (वय 19), शुभम सचिन उफाळे (वय 20, दोघेही रा. वडगाव बुद्रूक), राहूल गंगाराम मरगळे (वय 19 , रा. शिरकुले, हवेली), समीर मोहन चांदेकर (वय 20), सागर शरनम रणसौरे (वय 20), हर्षद गणेश जातेगावकर (वय 21, तिघेही रा. धायरी), शुभम सुनिल चव्हाणे (वय 21, रा. आंबेगाव) अशी अटक केलेल्या संशयित आरोपींची नावे आहेत. याप्रकरणी पोलीस कर्मचारी दयानंद तेलंगे यांनी फिर्याद दिली आहे. 

एक वर्षाच्या बाळाला घेऊन महिला कॉन्स्टेबल करतेय ट्रम्प यांच्या सुरक्षेचे काम

पोलिसांनी दिलेल्या माहितीनुसार, सिंहगड पोलिस ठाण्यातील पोलिस कर्मचारी तेलंगे व त्यांचे सहकारी शनिवारी पहाटे तीन वाजता नऱ्हे परिसरात रात्रगस्त घालत होते. नऱ्हे येथील ग्रॅडीयर सोसायटीसमोरील रस्त्यावर सात जणांचे टोळके संशयास्पदरीत्या फिरत असल्याचे त्यांच्या निदर्शनास आले. त्यानुसार, त्यांनी त्यांची अंगझडती घेतल्यानंतर त्यांच्याकडे तीन कोयते, मिरची पुड, कटावणी, दोर, बॅटरी असे साहित्य आढळले. त्यांची अधिक चौकशी केल्यानंतर संशयित आरोपी हे नऱ्हे परिसरातील एक सराफी दुकानावर दरोडा टाकणार असल्याची कबुली दिली.