क्रेडिट कार्ड बंद होणार सांगून, आजोबांची पावणे दोन लाखांची फसवणूक

पुणे : क्रेडीट कार्ड बंद होणार असल्याची बतावणी करीत अनोळखी व्यक्तीने वृद्ध नागरीकाच्या बॅंक खात्याची गोपनीय माहिती घेऊन वृद्धाची पावणे दोन लाख रुपयांची फसवणूक केली. याप्रकरणी सिंहगड रोड पोलिस ठाण्यात गुन्हा दाखल करण्यात आला आहे.

याप्रकरणी रवींद्रनाथ कुरलेक (वय 76, रा. सिंहगड रस्ता) यांनी सिंहगड रोड पोलिस ठाण्यात फिर्याद दिली आहे. हि घटना नोव्हेंबर 2020 मध्ये घडली आहे.

"नागरीकांनी प्रत्यक्षात, फोनवर किंवा सोशल मीडियाद्वारे भेटणाऱ्या अनोळखी व्यक्तींवर विश्‍वास ठेवू नये. तसेच त्यांना कोणत्याही प्रकारे स्वतःचे बॅंक खाते किंवा अन्य गोपनीय माहिती देऊ नये. फसवणुकीच्या उद्देशाने कोणी संपर्क करत असेल, तर त्याबाबत कुटुंबीयांसह पोलिसांशी तत्काळ संपर्क साधावा.'' देविदास घेवारे, वरिष्ठ पोलिस निरीक्षक, सिंहगड रोड पोलिस ठाणे.

फसवणूक टाळण्यासाठी अशी घ्या काळजी

• अनोळखी व्यक्तींना, फोनला प्रतिसाद देऊ नका

• ऑनलाईन व्यवहार करताना कुटुंबीयांना कल्पना द्या

• कोणालाही बॅंक खाते, डेबीट, क्रेडीट कार्डची माहिती किंवा ओटीपी क्रमांक देऊ नका

• अनोळखी फ्रेंड रिक्वेस्ट, ईमेल, लिंकला प्रतिसाद देण्याचे टाळा

• संपुर्ण माहिती असल्याशिवायक ई-बॅंकींग, ई-वॉलेटचा वापर करु नका