पुणे - शिक्षण हक्क कायद्यांतर्गत (आरटीई) २५ टक्के राखीव जागांवरील प्रवेश प्रक्रियेसाठी सुधारित नियम तयार करण्यासाठी समिती स्थापन केली आहे. या समितीसमोर पालकांचे अभिप्राय सादर केले जाणार आहेत. त्यासाठी अधिकाधिक पालकांनी २५ एप्रिलपर्यंत अभिप्राय द्यावेत, असे आवाहन प्राथमिक शिक्षण विभागाने केले आहे.
या प्रवेश प्रक्रियेत अधिक सुलभता यावी, या अनुषंगाने पालकांकडून अभिप्राय मागविण्यात येत असल्याचे प्राथमिक शिक्षण संचालक शरद गोसावी यांनी स्पष्ट केले आहे. बालकांचा मोफत व सक्तीच्या शिक्षणाचा हक्क अधिनियम २००९ कलम १२ (सी) (१) नुसार वंचित आणि दुर्बल घटकातील बालकांना २५ टक्के प्रवेश मोफत देण्यात येतात.
राज्यात केंद्रीय प्रवेश प्रक्रियेद्वारे ही प्रवेश प्रक्रिया राबविली जाते. प्रवेश प्रक्रिया राबविण्यासाठी तयार केलेल्या नियमावलीत काही बदल करावेत, अशी मागणी विविध पालक संघटनांकडून होत आहे. तर, आरटीईच्या नियमावलीत बदल करण्याची आवश्यकता असल्याचे संस्थाचालकांकडूनही सांगण्यात येत आहे.
त्यामुळे शिक्षण आयुक्त सचिंद्र प्रताप सिंह यांच्या अध्यक्षतेखाली शाळांमधील २५ टक्के राखीव जागांवरील प्रवेश प्रक्रियेसाठी सुधारित नियम तयार करण्याच्या अनुषंगाने राज्य सरकारला शिफारशी करण्यासाठी समिती स्थापन केली आहे. या समितीसमोर पालकांचे अभिप्राय सादर केले जाणार आहेत. त्यासाठी पालकांकडून २५ एप्रिलपर्यंत अभिप्राय मागविले आहेत.
अभिप्राय देतानाच्या सूचना -
- १०० शब्द मर्यादेतच अभिप्राय असावेत
- अभिप्राय मोघम असू नयेत.
- कोणीतीही व्यक्ती, संस्था, शाळा यावर टीका टिप्पणी नसावी
- विषयाशी संबंधितच अभिप्राय असावेत
- आरटीई पोर्टलवर ‘पालकांचे अभिप्राय’ यात अभिप्राय द्यावेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.