आरटीईतील अंतराची अट यंदा शिथिल?

सकाळ वृत्तसेवा
शुक्रवार, 14 फेब्रुवारी 2020

आरटीई प्रवेशात पूर्वी पहिल्या प्रतीक्षा यादीत शून्य ते एक किलोमीटर अंतरात असलेल्यांना प्रवेश दिला जात होता. त्यानंतर तीन किलोमीटर व तिसऱ्या यादीत सहा किलोमीटर अंतराच्या शाळांसाठी यादी जाहीर केली जात होती. मात्र, यंदा प्रवेश यादी एकदाच तयार होणार असल्याने ती कोणत्या प्रकारे तयार केली जाईल, याची स्पष्टता नाही. उपलब्ध जागांएवढी प्रत्यक्ष निवड झालेल्या विद्यार्थ्यांची यादी व तितक्‍याच विद्यार्थ्यांची एक प्रतीक्षा यादी तयार केली जाणार आहे.

भोसरी - आरटीई अंतर्गत यंदा एकदाच लॉटरी काढण्यात येणार असून, पूर्वी असलेली अंतराची अट लावण्यात आलेली नाही. त्यामुळे प्रवेशावेळी गोंधळ होण्याची शक्‍यता आहे. 

ताज्या बातम्यांसाठी डाऊनलोड करा ई-सकाळचे ऍप

आरटीई प्रवेशात पूर्वी पहिल्या प्रतीक्षा यादीत शून्य ते एक किलोमीटर अंतरात असलेल्यांना प्रवेश दिला जात होता. त्यानंतर तीन किलोमीटर व तिसऱ्या यादीत सहा किलोमीटर अंतराच्या शाळांसाठी यादी जाहीर केली जात होती. मात्र, यंदा प्रवेश यादी एकदाच तयार होणार असल्याने ती कोणत्या प्रकारे तयार केली जाईल, याची स्पष्टता नाही. उपलब्ध जागांएवढी प्रत्यक्ष निवड झालेल्या विद्यार्थ्यांची यादी व तितक्‍याच विद्यार्थ्यांची एक प्रतीक्षा यादी तयार केली जाणार आहे.

एचए' कंपनीला 'असा' बसला कोरोनाचा फटका; 600 कोटींच्या कर्जाची मागणी

प्रत्यक्ष निवड झालेल्या विद्यार्थ्यांनी दिलेल्या मुदतीत आपल्या विभागातील पडताळणी समितीकडे जाऊन मूळ कागदपत्रे दाखवून प्रवेश निश्‍चित करावयाचा आहे. शिल्लक जागांवर प्रतीक्षा यादीतील मुलांना प्रवेशाची संधी दिली जाईल; परंतु ही यादी कशी बनवली जाणार? याबाबत मात्र संकेतस्थळावर कोणतीही माहिती दिलेली नसल्याने पालकांमध्ये संभ्रम निर्माण झाला आहे. याविषयी शिक्षण विभागातील अधिकाऱ्यांशी संपर्क साधला असता, याविषयी त्यांच्यामध्येही संभ्रमावस्था दिसली. याबाबत प्राथमिक विभागाचे शिक्षण सहसंचालक दिनकर टेमकर यांच्याशी संपर्क होऊ शकला नाही.

संकेतस्थळावरील लॉटरी लॉजिक या मेनूमध्ये केवळ लॉटरी काढण्याच्या तांत्रिक बाबींबद्दल २०१४-१५ ची माहिती देण्यात आली असून, चालू वर्षाच्या लॉटरीमधील बदल व प्रतीक्षा यादी बनवताना त्यात नेमका कोणत्या पालकांचा समावेश होणार? याबद्दल कोणतीही माहिती देण्यात आलेली नाही. ही माहिती पालकांना लवकर उपलब्ध होणे गरजेचे आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: The RTE gap is relaxed this year