Corruption Allegations Rock RTO, Big Officials Under Scanner
sakal
-प्रसाद कानडे
पुणे: प्रादेशिक परिवहन विभागातील अधिकाऱ्यांच्या बेकायदा पदोन्नतीच्या प्रकारात आता लाचखोरी समोर आली आहे. परिवहन आयुक्त कार्यालयातील एका बड्या अधिकाऱ्याने विविध प्रकारचे गुन्हे दाखल असलेल्या तीन अधिकाऱ्यांचे बनावट रेकॉर्ड तयार करून शासनाची फसवणूक केली आहे. या बदल्यात त्या अधिकाऱ्याला दीड कोटी रुपयांचा ‘नजराणा’ सादर झाला, असा आरोप मोटार वाहन निरीक्षक गजेंद्र पाटील यांनी केला असून, त्यांनी याची तक्रार पुराव्यांसह लाचलुचपत विभागाच्या पोलिस महासंचालकांकडे केली आहे. त्यांनी याची गंभीर दखल घेतली असून, प्रकरणाचा तपास करण्याचे आदेश विभागाला दिले आहेत. या तक्रारीची प्रत ‘सकाळ’च्या हाती लागली.