RTO Officers: ‘आरटीओ’चे ७३५ अधिकारी रडारवर; ‘वाहन फिटनेस’ गैरव्यवहारात ३०० जणांना नोटीस; मंत्रालयातून कारवाईचे संकेत

पुणे: राज्यातील व्यावसायिक वाहनांना ‘३८ अ’ अंतर्गत दिलेल्या फिटनेस प्रमाणपत्रात मोठा गैरव्यवहार झाला. याप्रकरणी नेमलेल्या समितीने तब्बल ७३५ आरटीओ अधिकारी, निरीक्षकांचा सहभाग असल्याचा अहवाल दिला असून, परिवहन आयुक्तांनी ३०० मोटार वाहन निरीक्षक, सहाय्यक प्रादेशिक व उपप्रादेशिक परिवहन अधिकाऱ्यांना नोटीस दिली. काहींचे निलंबन, तर इतरांवर विभागीय चौकशी होणार असून, दोषींवर कडक कारवाई करण्याचे संकेत परिवहन मंत्री प्रताप सरनाईक यांनी दिले आहेत.