पुणे - शहरात दररोज सरासरी तीन ते चार सायबर फसवणुकीचे गुन्हे नोंदवले जात आहेत. सायबर चोरट्यांनी दोन घटनांमध्ये नागरिकांची ४५ लाख रुपयांची फसवणूक केल्याचे उघड झाले आहे. या प्रकरणी शहरातील खडक आणि आंबेगाव पोलिस ठाण्यांत गुन्हा दाखल करण्यात आला आहे..शेअर बाजारात गुंतवणूक केल्यास मोठा परतावा मिळेल, अशा आमिषाने शुक्रवार पेठेतील एका ६९ वर्षीय व्यापाऱ्याची २३ लाख ४३ हजार रुपयांची फसवणूक करण्यात आली. चोरट्यांनी त्यांच्या मोबाईलवर फसवणूक करणारे गुंतवणुकीचे संदेश पाठवून त्यांच्याकडून हप्त्यांमध्ये रक्कम उकळली. याबाबत खडक पोलिस ठाण्यात गुन्हा नोंदवण्यात आला आहे. पुढील तपास पोलिस निरीक्षक मनोजकुमार लोंढे करीत आहेत..‘ऑनलाइन टास्क’च्या नावाने फसवणूक -सायबर चोरट्यांनी आंबेगावमधील तरुणाला ‘घरबसल्या काम करून पैसे मिळवा’ असे आमिष दाखवून २१ लाख ५२ हजार रुपयांची फसवणूक केली. चोरट्यांनी फिर्यादी तरुणाला व्हॉटसॲपवर टेलिग्राम लिंक पाठवली. ऑनलाइन टास्क पूर्ण केल्यास चांगला परतावा मिळेल, असे आमिष दाखवले..त्यावर या तरुणाने १५ दिवसांत २१ लाख ५२ हजार रुपये गुंतवले. परंतु मुद्दल आणि परतावाही मिळाला नाही. याबाबत एका ३३ वर्षीय तरुणाने आंबेगाव पोलिस ठाण्यात फिर्याद दिली आहे. पुढील तपास पोलिस उपनिरीक्षक प्रशांत माने करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
