पुणे : वाहनखरेदीचा निर्णय घेताना विविध पर्याय एकाच ठिकाणी उपलब्ध व्हावेत, यासाठी ‘सकाळ माध्यम समूहा’तर्फे शनिवारी (ता. १४) आणि रविवारी (ता. १५) ‘सकाळ ऑटो एक्स्पो’चे आयोजन केले आहे. यामध्ये विविध कंपन्यांची अनेक वाहने असणार आहेत..कर्वेनगरमधील डीपी रस्त्यावरील पंडित फार्ममध्ये हा एक्स्पो होणार आहे. नवीन वाहन खरेदी करण्याचे ठरल्यानंतर आपल्या बजेटनुसार विविध कंपन्यांची वाहने आपण तपासतो. त्यासाठी अनेक कंपन्यांच्या शोरूमला भेटी देऊन माहिती घेताना होणारी धावपळ थांबविण्यासाठी हा ऑटो एक्स्पो भरविण्यात येत आहे..यामध्ये विजेवरील वाहनांचेही (इलेक्ट्रिक व्हेइकल) अनेक पर्याय उपलब्ध असणार आहेत. टेस्ट राइडचा आनंददेखील नागरिकांना घेता येईल. त्यामुळे वाहन खरेदी करण्याचा निर्णय घेणे अधिक सोपे होईल. एक्स्पोत २० हून अधिक ब्रँडचे ६० पेक्षा अधिक मॉडेल उपलब्ध असतील. या एक्स्पोसाठी ‘राजश्री शाहू सहकारी बँक लिमिटेड’ हे बँकिंग पार्टनर आहेत..बजेटनुसार वाहनांचे पर्यायपेट्रोल, डिझेल, इलेक्ट्रिक मोटार आणि दुचाकीचे निरनिराळे पर्याय नागरिकांना एक्स्पोत उपलब्ध असणार आहेत. एकाच बजेटचे अनेक पर्याय उपलब्ध असल्याने नेमकी कोणती गाडी घ्यायची? याचा निर्णय घेणे अधिक सोईस्कर होणार आहे. या ठिकाणी विविध कंपन्यांच्या मोटारी आणि दुचाकी, त्यांची वैशिष्ट्ये, किमती आदींची माहिती मिळणार आहे. .एक्स्पोविषयी...कधी : शनिवार (ता. १४) आणि रविवार (ता. १५)कुठे : पंडित फार्म,डीपी रस्ता, कर्वेनगरकेव्हा : सकाळी १० ते रात्री ८अधिक माहितीसाठी संपर्क : ९३२५१०६६२६प्रवेश व पार्किंग मोफत.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
