पिंपरी चिंचवडच्या अपर पोलिस आयुक्तपदी संजय शिंदे

पिंपरी : पिंपरी -चिंचवडचे अपर पोलिस आयुक्त रामनाथ पोकळे व उपायुक्त सुधीर हिरेमठ यांची सोमवारी (ता२३) बदली झाली. तर पिंपरी चिंचवडच्या अपर पोलिस आयुक्तपदी संजय शिंदे यांची नियुक्ती झाली आहे. राज्य शासनाने सोमवारी अपर पोलिस महासंचालक दर्जाच्या १६, विशेष महानिरीक्षक दर्जाच्या सात तर उप महानिरीक्षक दर्जाच्या १६ अधिकाऱ्यांच्या बदल्या केल्या. यामध्ये पिंपरी चिंचवडचे अपर आयुक्त रामनाथ पोकळे यांची ठाणे शहर, पश्चिम विभाग येथे बदली करण्यात आली. तर मुख्यालय उपायुक्त सुधीर हिरेमठ यांची पदोन्नतीने गुन्हे अन्वेषण विभाग, पुणे येथे उप महानिरीक्षकपदी नियुक्ती झाली आहे. (Pcmc News)

पोकळे यांच्याजागी पुणे शहर पोलिस दलातील दक्षिण विभाग अपर पोलिस आयुक्त संजय शिंदे यांची पिंपरी चिंचवडच्या अपर पोलिस आयुक्तपदी नियुक्ती झाली आहे.अनेक दिवसांपासून अधिकाऱ्यांच्या बदल्यांची चर्चा होती. मात्र, विविध कारणासत्व बदल्याना मुहूर्त लागत नव्हता.