ससूनमधील ‘ओपीडी’च्या वेळांत बदल

पुणे - ससून रुग्णालयातील अतिविशेषोपचार (सुपर स्पेशालिटी) उपचारांच्या बाह्य रुग्ण विभागांच्या वेळांमध्ये बदल करण्यात आले आहेत. येत्या बुधवारपासून याची अंमलबजावणी करण्यात येणार आहे. 

ताज्या बातम्यांसाठी डाऊनलोड करा ई-सकाळचे ऍप

ससून रुग्णालयातील औषधशास्त्र विभागातर्फे सर्वसाधारण बाह्य रुग्ण विभागाव्यतिरिक्त १० अतिविशेषोपचाराचे बाह्य रुग्ण विभाग सुरू आहेत. हृदयविकाराचा बाह्य रुग्ण विभाग दर मंगळवारी दुपारी २ ते ४ या वेळेत तर, मधुमेह दुपारी बाह्य रुग्ण विभाग बुधवारी दुपारी २ ते ४ आणि न्यूरॉलॉजी विभागातील रुग्णांना शुक्रवारी दुपारी २ ते ४  या वेळेत उपचार करण्यात येतील. बी. जे. वैद्यकीय महाविद्यालयाचे अधिष्ठाता डॉ. अजय चंदनवाले म्हणाले, ‘रुग्णांच्या सोयीप्रमाणे वेळा निश्‍चित करण्यात आल्या आहेत.’

अतिविशेष उपचार क्‍लिनिक    दिवस    वेळ
गॅस्ट्रोएन्ट्रॉलॉजी                  सोमवार    २ ते ४
हिमॅटॉलॉजी                        सोमवार    ३ ते ५
कार्डिऑलॉजी                     मंगळवार    २ ते ४
हिपॅटॉलॉजी                       मंगळवार     २ ते ४
ऑन्कॉलॉजी (कर्करोग)           बुधवार    २ ते ४
ऑन्कॉलॉजी (कर्करोग)           दररोज     ९ ते १
मधुमेह व एंडोक्रायनॉलॉजी      बुधवार    २ ते ४
ऱ्हयूमॅटॉलॉजी                       गुरुवार     २ ते ४